پشاور (حسن علی شاہ) — اے این پی ہمیشہ عدم تشدد اور امن پسندی کی پالیسی پر عمل پیرا رہی ہے، تاہم خیبرپختونخوا میں موجودہ حالات تشویشناک ہوتے جا رہے ہیں۔
اے این پی کے صوبائی رہنما حسین شاہ نے اخبار خیبر سے گفتگو کرتے ہوئے کہا کہ وزیراعلیٰ سہیل آفریدی کی جانب سے جب بھی امن جرگے میں شرکت کی دعوت دی گئی، ان کی جماعت نے ہمیشہ مثبت جواب دیا تاکہ صوبے خصوصاً جنوبی اضلاع میں دہشت گردی کا خاتمہ ممکن بنایا جا سکے اور عوام کی جان و مال کا تحفظ یقینی بنایا جا سکے۔
انہوں نے کہا کہ اس کے باوجود صوبائی حکومت کی جانب سے اس حساس مسئلے پر سنجیدہ اور عملی اقدامات نظر نہیں آ رہے، جس کے باعث پورے صوبے میں حکومت کی رٹ کمزور دکھائی دیتی ہے۔
