بنوں کے علاقے میریان میں مشترکہ کامیاب انٹیلی جنس بیسڈ آپریشن کیا گیا جس میں 8 دہشت گرد مارے گئے، دہشتگرعدوں کیساتھ فائرنگ کے تبادلے میں ایک اہلکار بھی شہید ہو گیا ۔
بنوں: پولیس اور سی ٹی ڈی کی مشترکہ ٹیموں نے آپریشن علی الصبح شروع کیا، شدید فائرنگ کے تبادلے میں 8 دہشت گرد ہلاک جبکہ متعدد کے زخمی ہونے کی اطلاعات ملی ہیں ۔
بنوں پولیس حکام کے مطابق آپریشن کے دوران 10کلوگرام وزنی دیسی ساختہ بم بھی برآمد کیا گیا جسے ناکارہ بنا دیا گیا ہے ۔
حکام کے مطابق آپریشن کے دوران دہشتگردوں کے ساتھ فائرنگ کے تبادلے میں ایک پولیس اہلکار سمیت 2 افراد شہید جبکہ 4 افراد زخمی بھی ہوگئے ۔
آئی جی پی خیبرپختونخوا ذوالفقار حمید نے کہا ہے کہ فتنہ الخوارج اور امن دشمن عناصر کے خلاف کارروائیاں مزید شدت کے ساتھ جاری رہیں گی ۔
آئی جی خیبر پختونخوا کا مزید کہنا تھا کہ خیبر پختونخوا پولیس عوام کے جان و مال کے تحفظ کیلئے فرنٹ لائن پر کھڑی ہے ۔
