کوہاٹ کی تحصیل لاچی کے علاقے مالگین میں طوفانی بارش سے مکان گرگیا جس میں 19 افراد دب گئے، 10 افراد جاں بحق ہوگئے جبکہ 8 خواتین اور ایک بچی زخمی ہو گئیں ۔
کوہاٹ( فضل کریم) ریسکیو حکام کے مطابق امدادی ادارے نے تمام افراد کو ملبے سے نکال کر ہسپتال منتقل کردیا، نکالے گئے افراد میں سے 10 افراد جاں بحق جبکہ 8 خواتین اور ایک بچی زخمی ہو گئیں، جن کو مختلف ہسپتالوں میں منتقل کیا گیا ہے ۔
ریسکیو حکام نے مزید بتایا کہ جاں بحق افراد میں 7 خواتین اور 3 بچے شامل ہیں، ایک بچی اور 8 خواتین زخمی ہوگئیں ، مزید تحقیقات شروع کردی گئی ہیں ۔
ریسکیو حکام کا مزید کہنا تھا کہ شدید طوفانی بارش کے دوران تقریب میں موجود افراد مکان گرنے سے 19 افراد ملبے تلے دب گئے ۔
ریسکیو اہلکاروں اور مقامی افراد نے دو گھنٹوں میں آپریشن مکمل کرکے ملبے تلے دبے افراد کو نکالا، تمام متاثرین کو ملبے سے نکال کر اسپتال منتقل کر دیا گیا ۔
زخمیوں کو ابتدائی طبی امداد کے بعد تحصیل لاچی اہسپتال سے ڈی ایچ کیو اسپتال منتقل کر دیا گیا، انتظامیہ نے واقعے کی تفصیلات جمع کرنا شروع کر دیں، مزید تحقیقات جاری ہیں ۔
