آج پاکستان سپر لیگ سیزن 9میں لاہور قلندر اور ملتان سلطان آمنے سامنے ہو گئے۔قلندر جیت کیلئے پر عزم تو سلطانز بھی میدان مارنے کو تیار ہیں
پی ایس ایل 9کے 14ویں میچ میں قلندر اور سلطانز آج لاہور کے قذافی سٹیڈیم میں مدمقابل ہونگے۔ دونوں ٹیموں کے مایبن اہم میچ آج شام 7بجے کھِیلا جائے گا۔دنوں ٹیمیں جیت کیلئے پرعزم ہیں۔ لاہور قلندرز پی ایس ایل 9میں اب تک 5میچز کھیل چکی ہے لیکن اس میں کوئی بھی میچ جیت نہ سکی ہے۔
دوسری جانب ملتان سلطانز کی ٹیم ایونٹ میں 5میچز کھیل کر 4اپنے نام کر چکی ہے۔ قلندر اور سلطانز کے مابین اس اہم میچ کو دیکھنے کیلئے شائقین بے چین ہیں دونوں جانب شائقین اپنی اپنی ٹیموں کو سپورٹ کررہے ہیں۔یاد رہے کہ گزشتہ روز کھیلے گئے پاکستان سپر لیگ سیزن 9کے تیرہویں میچ میں پشاور زلمی نے اسلام آباد یونائیٹڈ کو 8رنز سے شکست دی تھی۔قذافی اسٹیڈیم لاہور میں کھیلے گئے میچ میں 202رنز کے تعاقب میں اسلام آباد یونائیٹڈ 20اوورز میں 9وکٹوں کے نقصان پر 193رنز بناسکی۔
