لاہور میں بس میں لڑکی کو ہراساں کرنے والے ملزم کو ورچوئل ویمن پولیس سٹیشن میں شکایت کے بعد گرفتار کر لیا گیا ہے۔
یہ واقعہ بس کے سفر کے دوران پیش آیا، جہاں مبینہ طور پر ملزم نوجوان لڑکی کو مسلسل ہراساں کر رہا تھا۔شکایت موصول ہونے پر، ورچوئل ویمن پولیس اسٹیشن نے فوری طور پر مقامی قانون نافذ کرنے والے اداروں کے ساتھ رابطہ کیا۔ایک خاتون مسافر نے بس کی لوکیشن بتائی، جس کی وجہ سے پولیس نے اس بس کو اگلے سٹاپ پر ہی روک لیا۔ بس کے پہنچنے پر مشتبہ شخص کی فوری طور پر شناخت کر لی گئی اور اسے گرفتار کر لیا گیا۔پولیس نے ملزم کو حراست میں لے کر قانونی کارروائی شروع کر دی ہے۔
