سوڈان کے وسطی دارفور کے گاؤں تراسین میں تباہ کن بارشوں کے بعد لینڈ سلائیڈنگ کے نتیجے میں کم از کم ایک ہزار افراد ہلاک ہوگئے ۔
سوڈان: غیر ملکی میڈیا کی رپورٹ کے مطابق علاقے پر قابض باغی گروہ سوڈان لبریشن موومنٹ نے کہا کہ یہ خوفناک واقعہ 31 اگست کو کئی دنوں کی طوفانی بارشوں کے بعد پیش آیا اور اس نے پورے گاؤں کو مکمل طور پر زمیں بوس کر دیا ۔
بیان میں کہا گیا ہے ابتدائی معلومات سے ظاہر ہوتا ہے کہ گاؤں کے تمام ایک ہزار سے زائد رہائشی جاں بحق ہو گئے ہیں، صرف ایک شخص زندہ بچا ہے ۔
سوڈان لبریشن موومنٹ نے اقوام متحدہ اور بین الاقوامی امدادی اداروں سے مرنے والوں کی لاشیں نکالنے میں مدد کی اپیل کی ہے ۔
برطانوی نشریاتی ادارے کی رپورٹس کے مطابق شمالی دارفور کے کئی باشندے نیم فوجی ریپڈ سپورٹ فورسز کے ہاتھوں اپنے گھروں سے بے دخل کیے جانے کے بعد اس علاقے میں پناہ لینے پر مجبور ہوئے تھے ۔
