لوئردیر:آزاد امیدوارصوبائی اور قومی اسمبلی کے حلقوں پرکامیاب

لوئردیر میں آزاد امیدوارصوبائی اور قومی اسمبلی کے حلقوں پرکامیاب ہو گئے ہیں

لوئردیر میں آزاد امیدواروں نے صوبائی اسمبلی کے 4 اور  قومی اسمبلی کے دو حلقوں پر میدان مار لیا ہے۔
غیر سرکاری اور غیر حتمی نتائج کے مطابق حلقہ این اے 6 جندول سے اپنی سیٹ جماعت اسلامی کے مرکزی امیر سراج الحق نہ بچا سکے۔ 76259 ووٹ لے کر پی ٹی ائی کے حمایت یافتہ آزاد امیدوار محمد بشیر خان  کامیاب قرار پائے ہیں۔

دوسرے نمبر پر 52545 ووٹ لے کر جماعت اسلامی کے امیر سراج الحق ہیں۔حلقہ این اے 7 دیرلویر ٹو سے اسی طرح پی ٹی آئی کے حمایت یافتہ ازاد امیدوار سید محبوب شاہ 84843 ووٹ لے کر کامیاب ہوئے ہیں،جبکہ 31133 ووٹ لے کر جماعت اسلامی کے مولانا محمد اسماعیل دوسرے نمبر پر ہیں ۔
اس کے علاوہ باقی تمام سیٹوں پر سوائے ایک صوبائی سیٹ کے علاوہ  پی ٹی آئی کے حمایت یافتہ آزاد امیدواروں جیت گئے ہیں۔

31200 ووٹ لے کر  پی کے 14 سے پی ٹی آئی کے حمایت یافتہ آزاد امیدواراعظم خان کامیاب قرار پائے ہیں۔جبکہ دوسرے نمبر پر 16552 ووٹ لے کرجماعت اسلامی کے صاحبزادہ محمد یعقوب خان ہیں۔پی کے 15 ادینری سے تحریک انصاف کے حمایت یافتہ آزاد امیدوار ہمایون خان 31346 ووٹ لے کر کامیاب ہوئے ہیں۔   دوسرے نمبر پر16691 ووٹوں کے ساتھ پی پی پی کے نعیم اللہ خان آگئے ہیں۔پی کے 16 تیمرگرہ سے پی ٹی آئی کے حمایت یافتہ آزاد امیدوار ملک شفیع اللہ خان 31208 ووٹ لے کر فاتح جبکہ دوسرے نمبر پر 10253 ووٹ لے کر  پی پی کے کامران زیب خان ہیں۔

اسی طرح پی کے 17 جندول سے جماعت اسلامی کے امیدوار اعزاز الملک افکاری 25124 ووٹ لے کر کامیاب قرار پائے ہیں، جبکہ پی ٹی آئی کے حمایت یافتہ آزاد امیدوار عبید الرحمن 22981 ووٹ لے کر دوسرے نمبر پر رہیں ۔
پی کے 18سے اسی طرح  پی ٹی آئی کے حمایت یافتہ آزاد امیدوار ملک لیاقت علی خان 24625 ووٹ لے کر کامیاب ہوگئے ہیں۔ جبکہ دوسرے نمبر پر 16059 ووٹ لے کر جماعت اسلامی کے حاجی سعید گل آگئے ہیں ۔