مریم نواز نے کہا کہ خیبرپختو نخوا تجربہ گاہ نہیں ہے کہ آئے تجربہ کیا اور چل دیئے
ملین ٹری سونامی کا نعرہ لگا کر جو لوگ آئے وہ پہلے سے ہی لگے ہوئے درختوں کی لکڑی بھی بیچ کر چلتے بنے۔
جلسہ عام سے مانسہرہ میں مریم نواز کا خطاب کرتے ہوئے کہنا تھا کہ اس انسان نے آپ کا بھلا نہیں سوچا،مجھے اسکا نہایت افسوس ہے۔میٹرو بس پشاورکی چلتی کم اور جلتی زیادہ ہے،10 سال جو خیبر پختونخوا میں حکومت کرکے گئے تو وہ ہمیں کوئی ایک اسکول، ہسپتال، کوئی کوئی ایک میٹرو بس دکھا دیں جو یہاں کے لوگوں کے لیے بنائی ہو اور جس سے ان کا فائدہ ہوا ہو۔
مریم نواز کا کہنا تھا کہ بدترین مخالفین نواز شریف کے صرف سیاسی مخالف نہیں تھے بلکہ وہ ذاتیات پر بھی اترتے تھے،خیبرپختونخوا کا کیا یہ کلچر ہے کہ خواتین پر جلسوں میں آوازیں کسو،وہ آج جو بھی بھگت رہے ہیں،وہ ان کا کیا ہوا عمل تھا، میں کوئی انہیں بددعا نہیں دینا چاہتی، لیکن انسان کو اعمال بہت دور تک چھوڑ کر آتے ہیں،قبر تک ساری زندگی پیچھا کرتے ہیں۔
انہوں نے مزید کہا کہ دنیا جانتی ہے مانسہرہ اور ہزارہ سے نواز شریف محبت کرتے ہیں،مانسہرہ سے محبت کا ثبوت نوازشریف نے یہ دیا ہے کہ انہوں نے آپ کی خدمت کے لئے کیپٹن (ر) صفدر کو وقف کردیا ہے، نواز شریف کو اگر نکال دیں تو کھنڈرات کے سوا ملک میں کچھ نہیں۔
