پاکستان سے زیادہ پاکستانی ڈرامے بھارت میں دیکھے جاتے ہیں:بھارتی اداکارہ

بھارتی اداکارہ عائشہ خان کے مطابق پاکستان سے زیادہ پاکستانی ڈرامے بھارت میں دیکھے جاتے ہیں

بھارتی رئیلیٹی شو بگ باس 17 سے شہرت پانے والی ماڈل و اداکارہ عائشہ خان کے مطابق پاکستانی ڈرامےبھارت میں پاکستان سے زیادہ دیکھے جاتے ہیں۔ عائشہ خان نے حال ہی میں ایک انٹرویو میں شرکت کی جس میں ان سے پاکستانی کانٹینٹ اور پاکستانی ڈراموں  کے حوالے سے سوال کیا گیا۔سوشل میڈیا پر جس کا ویڈیو کلپ خاصہ وائرل ہورہا ہے۔ عائشہ نے دوران انٹرویو کہا کہ اقرا عزیز مجھے بے حد پسند ہیں، وہ بہت خوبصورت ہیں،مجھے اگر پاکستانی ڈراموں میں کام کرنے کا موقع ملا تو میں ضرور کام کروں گی۔عائشہ خان نے کہا کہ پاکستانی ڈراموں کا مواد بہت اچھا ہے، پاکستانی ڈرامے اتنے اپنے ملک میں نہیں دیکھے جاتے جتنے بھارت میں دیکھے جاتے ہیں۔