محسن نقوی نے نادرا ہیڈکوارٹر اسلام آباد میں ایک اعلیٰ سطح کے اجلاس سے خطاب کرتے ہوئے غیر قانونی غیر ملکیوں کے خلاف کارروائی تیز کرنے کی ہدایت جاری کی ہے۔ انہوں نے نادرا کو حکم دیا کہ وہ قانون نافذ کرنے والے اداروں کے ساتھ مکمل تعاون کرے تاکہ غیر قانونی طور پر مقیم افراد کی شناخت اور بے دخلی کے عمل کو یقینی بنایا جا سکے۔
وزیر داخلہ نے اس بات پر بھی زور دیا کہ وہ غیر ملکی افراد جنہوں نے غیر قانونی طریقوں سے پاکستانی شہریت حاصل کی ہے، ان کی نشاندہی کی جائے اور ان کا ریکارڈ نیشنل ڈیٹابیس سے حذف کیا جائے۔
اجلاس کے دوران محسن نقوی نے نادرا کی کارکردگی کو سراہتے ہوئے کہا کہ ادارے نے گزشتہ دو سالوں میں نمایاں ترقی کی ہے۔ انہوں نے ہدایت دی کہ عوام کو مزید سہولت فراہم کرنے کے لیے جدید خدمات متعارف کروائی جائیں۔
انہوں نے مزید کہا کہ کرائے کی عمارتوں کے بجائے نادرا کو چاہیے کہ وہ اپنی سرکاری زمینوں پر جدید دفاتر قائم کرے تاکہ ادارہ جاتی کارکردگی میں مزید بہتری لائی جا سکے۔
