ضلع خیبر کی تحصیل باڑہ میں سیکیورٹی فورسز نے ایک کامیاب آپریشن کے دوران 9 دہشتگردوں کو ہلاک کر دیا، جن کا تعلق کالعدم تنظیم تحریک طالبان پاکستان سے بتایا جا رہا ہے۔
تفصیلات کے مطابق دہشتگردوں نے گورنمنٹ ہائی اسکول خواجہ میر کلی، قوم اکاخیل پر قبضہ کر کے وہاں اپنا جھنڈا لہرا دیا تھا۔ واقعے کی اطلاع ملتے ہی سیکیورٹی فورسز نے فوری کارروائی کرتے ہوئے علاقے کو گھیرے میں لیا اور دہشتگردوں کے خلاف آپریشن شروع کیا۔
آپریشن کے دوران سیکیورٹی فورسز اور دہشتگردوں کے درمیان شدید فائرنگ کا تبادلہ ہوا، جس کے نتیجے میں تمام 9 دہشتگرد مارے گئے۔
