شمالی وزیرستان: میرعلی اور سب ڈویژن بنوں کے مقام پر ضلع کے داخلی اور خارجی راستے بند،اتمانزئی قوم نے میرعلی بازار میں بنوں میران شاہ سڑک گزشتہ روز سے بند کر رکھی ہے ۔
اتمانزئی مشران نے میرعلی کے مرکزی چوک میں دھرنا دے رکھا ہے،انہوں نے کہا ہے کہ حکومت امن کے قیام سے متعلق وعدے ایفا نہیں کررہی۔
سب ڈویژن بنوں گربز کے مقام پر بھی بنوں میران شاہ سڑک بلاک کردی گئی، امن کے قیام تک دھرنا جاری اور سڑکیں بند رہیں گی۔
اتمانزئی مشران نے تعلیمی اداروں، ہسپتالوں اور نادرا دفاتر کو بھی تالے لگا دیے ہیں ۔
سڑک کی بندش کی وجہ سے ضلع بھر کے عوام اور مسافر محصور ہوگئے،مسافر گاڑیوں اور مریضوں کو شدید مشکلات کا سامنا ہے۔
