وفاقی وزرات قانون نے پشاور ہائیکورٹ سمیت چار ہائی کورٹس میں مستقل چیف جسٹسز کی تقرری کا نوٹیفکیشن جاری کردیا ، جسٹس عتیق شاہ پشاور ہائیکورٹ کے مستقل چیف جسٹس ہونگے ۔
اسلام آباد سمیت چاروں ہائیکورٹس میں مستقل چیف جسٹسز کی تعیناتی کے معاملے میں وزرات قانون و انصاف نے صدر مملکت کی منظوری کے بعد چاروں ہائی کورٹس میں مستقل چیف جسٹسز کی تقرری کا نوٹی فکیشن جاری کردیا ۔
نوٹی فکیشن کے مطابق جسٹس عتیق شاہ پشاور ہائیکورٹ کے مستقل چیف جسٹس ہوں گے، جسٹس روزی خان کو چیف جسٹس بلوچستان ہائی کورٹ تعینات کردیا گیا ہے ۔
اعلامیے کے مطابق جسٹس محمد جنید غفار کو سندھ ہائیکورٹ کاچیف جسٹس تعینات کیا گیا ہے جبکہ جسٹس سردار سرفراز ڈوگر کا بطور چیف جسٹس اسلام آباد ہائی کورٹ نوٹی فکیشن جاری کردیا گیا ۔
