اسلام آباد: آئل اینڈ گیس ریگولیٹری اتھارٹی کی جانب سے رواں مالی سال کے لیے گیس کی قیمت بڑھانے کی منظوری دے دی گئی ۔
نوٹی فکیشن کے مطابق سوئی ناردرن گیس کمپنی کے لیے گیس قیمت میں 8.71 فیصد اضافے اور سوئی سدرن کے لیے 25.78فیصد اصافے کی منظوری دی گئی ہے ۔
اعلامیے میں کہا گیا ہے کہ سوئی ناردرن سسٹم کے لیے گیس کی اوسط قیمت 1778روپے 35 پیسے فی ایم ایم بی ٹی یو مقرر کرنے کی منظوری ہے جبکہ سوئی سدرن سسٹم کے لیے گیس کی اوسط قیمت 1762روپے51 پیسے فی ایم ایم بی ٹی یو کرنے کی منظوری دی گئی ہے۔
اعلامیے کے مطابق اوگرا نے فیصلہ وفاقی حکومت کو بھجوا دیا ہے اور قیمتوں میں اضافے کا حتمی فیصلہ وفاقی حکومت کی ایڈوائس کے بعد ہو گا۔
واضح رہے کہ گیس کمپنیوں نے گیس قیمتوں میں 208.67 فیصد تک اضافہ مانگا تھا، جس پر اوگرا نے گیس کمپنیوں کی درخواستوں پر گزشتہ ماہ عوامی سماعت کی تھی ۔
