امریکا اور ایران کے درمیان بڑھتی ہوئی کشیدگی کے باعث عالمی منڈی میں خام تیل کی قیمتوں میں مزید اضافہ ریکارڈ کیا گیا ہے۔
برینٹ خام تیل کی قیمت بڑھ کر 85.90 ڈالر فی بیرل تک پہنچ گئی، جبکہ برینٹ خام تیل کی قیمت میں آج 1.03 فیصد اضافہ ریکارڈ کیا گیا۔
دوسری جانب ویسٹ ٹیکساس انٹرمیڈیٹ (ڈبلیو ٹی آئی) خام تیل 80.16 ڈالر فی بیرل پر ٹریڈ کر رہا ہے، جبکہ اس کی قیمت میں آج 1.3 فیصد اضافہ ہوا ہے۔
تجزیہ کاروں کے مطابق مشرقِ وسطیٰ میں جاری کشیدگی کے باعث عالمی توانائی کی منڈی میں بے چینی برقرار ہے، جس کے نتیجے میں خام تیل کی قیمتوں پر دباؤ برقرار رہنے کا امکان ہے۔
