بلوچستان میں پاک فوج، ایف سی اور پولیس کی جانب سے دہشتگردوں کے خلاف مشترکہ "آپریشن شعبان” پوری قوت کے ساتھ جاری ہے، تازہ کارروائیوں میں مزید 16 دہشتگرد ہلاک کئے گئے جس کے بعد گزشتہ 6 روز کے دوران ہلاک دہشتگردوں کی تعداد 104 ہو گئی ۔
سیکیورٹی ذرائع کے مطابق فتنہ الخوارج سے تعلق رکھنے والے دہشتگردوں کے خلاف مؤثر کارروائیاں کی جا رہی ہیں، تازہ کارروائیوں کے دوران مزيد 16 خارجی دہشتگردوں کو ہلاک کر دیا گیا ۔
ذرائع نے بتایا کہ سیکیورٹی فورسز نے دشوار گزار پہاڑی علاقوں اور دور دراز راستوں میں چھپے دہشتگردوں کو ہوائی اور زمینی کارروائیوں کے ذریعے نشانہ بنایا ۔
مزید بتایا گیا ہے کہ 5 جولائی سے اب تک آپریشن شعبان اور دیگر انٹیلی جنس بیسڈ آپریشنز میں مجموعی طور پر 104 دہشتگرد مارے جا چکے ہیں، سیکیورٹی ذرائع کا کہنا ہے کہ بلوچستان میں آخری دہشتگرد کے خاتمے تک آپریشن شعبان جاری رکھا جائے گا ۔
دوسری جانبوفاقی وزیر داخلہ محسن نقوی نے کامیاب کارروائی پر پاک فوج، ایف سی بلوچستان اور پولیس کو خراج تحسین پیش کرتے ہوئے کہا کہ بہادر فورسز نے دشمن کے ناپاک عزائم خاک میں ملا دیئے ۔
وزیر داخلہ کا کہنا تھا کہ دہشت گرد ملک و قوم پر بوجھ ہیں، ان کا جڑ سے خاتمہ ناگزیر ہے، امن دشمنوں کو کہیں بھی چھپنے کی جگہ نہیں ملے گی ۔
