اپوزیشن اتحاد کا پارلیمنٹ ہاوس کے باہر دھرنا جاری ہے، اپوزیشن رہنماوں کا مطالبہ ہے کہ بانی پی ٹی آئی کو ہسپتال منتقل کیا جائے، شرکاء پارلیمنٹ کے باہر احاطے میں آگئے ۔
اسلام آباد: دھرنے میں اپوزیشن لیڈر محمود اچکزئی، چیئرمین پی ٹی آئی بیرسٹر گوہر، پی ٹی آئی رہنما اسد قیصر اور شاندارنہ گلزار سمیت دیگر رہنما شریک ہیں ۔
اپوزیشن لیڈر محمود اچکزئی نے کہاکہ 100 سے زائد اراکین پارلیمنٹ کو آپ یہاں قیدی بنا کر رکھے ہوئے ہیں ۔
انہوں نے کہا کہ ہم دھمکیاں دینے والے لوگ نہیں، حکومت رابطہ کرے یا نہ کرے دھرنا جاری رہے گا، مطالبات نہ مانے گئے تو رمضان میں بھی دھرنا جاری رہے گا ۔ یہیں پر روزے بھی رکھیں گے اور تراویح بھی پڑھیں گے ۔
انہوں نے کہا وزیر اعظم کو اپوزیشن لیڈر کی حیثیت سے 3 ڈاکٹرز کے ناموں پر مشتمل خط لکھا تھا، وزیر اعظم نے اس پر کچھ نہیں کیا ۔
محمود خان اچکزئی نے کہا پی ٹی آئی کا جرم کیا ہے،یہ اپنا مینڈیٹ واپس مانگ رہے ہیں۔ اس پارلیمنٹ کی آزادی کے لیے ہم کسی حد تک بھی جائیں گے ۔
