پاک نیوزی لینڈ ٹی ٹوئنٹی سیریز۔کرائسٹ چرچ میچ،دونوں ٹیموں کے درمیان پنجہ آزمائی جاری ۔شاہین جیت کیئے پرعزم۔کیویز کی کلین سویپ پر نظریں مرکوز ہیں
چوتھے ٹی20میچ میں پاکستان نے نیوزی لینڈ کو 159رنز کا ہدف دیدیا۔قومی ٹیم کرائسٹ چرچ میں کھیلے جارہے سیریز کے چوتھے میچ میں مقررہ 20اوورز میں 5وکٹوں کے نقصان پر 158رنز بناسکی۔ایک مرتبہ پھر پاکستانی ٹیم کے اوپنر صائم ایوب ناکام رہے۔وہ محض ایک رن بناکر وکٹ گنوابیٹھے۔
بابراعظم 19رنز بناکر ایڈم ملنے کا شکار بنے جبکہ فخر زمان 9، افتخار احمد 10اور صاحبزادہ فرحان ایک رنز کے مہمان ثابت ہوئے۔محمد رضوان وکٹ کیپر بیٹر 6چوکوں اور 2چھکوں کی مدد سے 90رنز بناکر ناٹ آؤٹ رہے جبکہ محمد نواز نے میچ کے اختتامی لمحات میں 9گیندوں پر 21رنز کی اننگز کھیلی۔نیوزی لینڈ کی جانب سے لوکی فرگوسن اور میٹ ہنری نے 2، 2 جبکہ ایڈم ملنے نے ایک وکٹ حاصل کی۔قومی ٹیم کے 159رنز کے ہدف کے تعاقب میں کیویز کی بیٹنگ جاری ہے۔نیوزی لینڈ کی 20کے مجموعی سکور پر تین وکٹس گر چکی ہیں۔ قومی ٹیم کے خلاف نیوزی لینڈ کی محتاظ بیٹنگ جاری ہے۔
