حکومت پاکستان اور ایشیائی ترقیاتی بینک کے درمیان 730 ملین ڈالرکے 2 اہم منصوبوں پر دستخط ہوگئے، جن میں 400 اور 330 ملین ڈالر کے دو منصوبے شامل ہیں ۔
اسلام آباد: وزارت اقتصادی امور کی جانب سے اعلامیے کے مطابق 330 ملین ڈالر مالیت کے سیکنڈ پاور ٹرانسمیشن منصوبے پر دستخط ہوئے ۔
ترجمان اقتصادی امور کا کہنا ہے کہ سرکاری ملکیتی اداروں کی ٹرانسفارمیشن پروگرام پر دستخط ہوئے جس کی مالیت400 ملین ڈالرہے ۔
ترجمان کے مطابق ٹرانسمیشن منصوبہ آنے والے پن بجلی کے منصوبوں سے 2300 میگاواٹ بجلی کی قابلِ اعتماد ترسیل ممکن بنائے گا، سرکاری ملکیتی ادارے کے ٹرانسفارمیشن پروگرام سے ایس او ای ایکٹ اورپالیسی پر موثر عمل درآمد یقینی بنایا جاسکے گا ۔
ترجمان نے مزید بتایا کہ ایشیائی ترقیاتی بینک کی کنٹری ڈائریکٹر نے ان اقدامات کیلئے حکومتِ پاکستان کے مضبوط عزم کو سراہا ۔
ترجمان اقتصادی امور کے مطابق ایشیائی ترقیاتی بینک کی کنٹری ڈائریکٹر ایما فان نے کہا کہ سرکاری ملکیتی اداروں کا اصلاحاتی پروگرام حکومتِ پاکستان کی اصلاحاتی کو ششوں کو مزید تقویت دےگا ۔
