وفاقی وزیر تجارت جام کمال خان اور قطر کے وزیر مملکت برائے خارجہ تجارت ڈاکٹر احمد بن محمد السید کے درمیان ورچوئل ملاقات ہوئی جس میں دونوں ممالک نے اقتصادی تعاون اور فوڈ سکیورٹی پارٹنرشپ کو مزید مضبوط بنانے پر اتفاق کیا۔
قطر نے پاکستان سے چاول اور دیگر غذائی مصنوعات کی درآمد بڑھانے میں دلچسپی ظاہر کی۔دونوں ممالک کے وزراء نے کاروباری برادری کے درمیان روابط بڑھانے کی ضرورت پر زور دیا۔ جام کمال خان نے کہا کہ پاکستانی برآمد کنندگان کو قطری مارکیٹ کی ضروریات کے مطابق سہولتیں فراہم کی جا رہی ہیں اور براہِ راست رابطوں کے ذریعے تجارت کو فروغ دیا جائے گا۔
دونوں وزراء نے پاکستان اور قطر کے درمیان براہِ راست رابطوں کے ذریعے برآمدات اور تجارت کو فروغ دینے پر اتفاق کیا۔دونوں ممالک کے درمیان انفراسٹرکچر، لاجسٹکس اور توانائی کے شعبوں میں سرمایہ کاری کے مواقع پر بھی تبادلہ خیال کیا گیا،اس کے علاوہ کراچی پورٹ توسیعی منصوبے سمیت مختلف اقتصادی منصوبوں میں تعاون کے امکانات پر گفتگو ہوئی۔
پاکستان اور قطر کا اقتصادی تعاون اور فوڈ سکیورٹی پارٹنرشپ کو مزید مضبوط بنانے پر اتفاق
کوئی تبصرہ نہیں ہے۔1 Min Read
