وزیر خارجہ اسحاق ڈار اور ترکیہ کے ہم منصب حاکان فیدان کے درمیان ٹیلیفونک رابطہ ہوا ہے، جس میں خطے کی تازہ صورتحال اور امریکہ اور ایران کے درمیان جاری امن مذاکرات پر تبادلہ خیال کیا گیا ۔
اسلام آباد: دفتر خارجہ کے مطابق دونوں رہنماوں نے مشرق وسطیٰ کی بدلتی ہوئی صورتحال کا جائزہ لیا اور امریکہ اور ایران کے درمیان مفاہمت کی جانب بڑھتی ہوئی مثبت پیش رفت کا خیرمقدم کیا ۔
دفتر خارجہ کا کہنا ہے کہ دونوں رہنماؤں نے خطے میں امن، استحکام اور سفارتی کوششوں کی اہمیت پر زور دیا، دونوں رہنماوں نے اس بات پر بھی اتفاق کیا کہ جاری مذاکرات کی کامیابی پورے خطے کے لیے مثبت نتائج کا باعث بن سکتی ہے ۔
پاکستان امریکہ اور ایران کے درمیان جنگ کے خاتمے اور ممکنہ معاہدے کے لیے سفارتی رابطوں میں اہم کردار ادا کر رہا ہے، جبکہ ترکیہ بھی ان ممالک میں شامل ہے جن سے خطے کی صورتحال اور ممکنہ امن فارمولے کے حوالے سے مسلسل مشاورت کی جا رہی ہے ۔
