سری لنکا کے ساتھ ٹی ٹوئنٹی سیریز کے لیے قومی کرکٹ ٹیم کے 15 رکنی سکواڈ کا اعلان کردیا گیا، فاسٹ بولر حارث رؤف کو ایک بار پھر زیر غور نہیں لایا گیا ۔
لاہور: سری لنکا کے خلاف ٹی ٹوینٹی سیریز کیلئے سلمان علی آغا پاکستانی ٹیم کی قیادت کریں گے، وکٹ کیپر بلے باز خواجہ نافع کو پہلی بار ٹی ٹوئنٹی سکواڈ میں شامل کیا گیا ہے جبکہ شاداب خان کی کندھے کی سرجری کے بعد ٹی ٹوئنٹی سکواڈ میں واپسی ہوئی ہے ۔
سٹار بیٹر بابر اعظم اور معروف فاسٹ بولر شاہین آفریدی ٹی ٹوئنٹی سکواڈ کا حصہ نہیں، حارث رؤف کو ایک بار پھر زیر غور نہیں لایا گیا ۔
ٹی ٹوئنٹی سکواڈ میں کپتان سلمان علی آغا، عبدالصمد، ابرار احمد، فہیم اشرف، فخر زمان، خواجہ محمد نافع اور محمد نواز شامل ہیں ۔
محمد سلمان مرزا، محمد وسیم جونیئر، نسیم شاہ، صاحبزادہ فرحان، صائم ایوب، شاداب خان، عثمان خان اور عثمان طارق بھی سکواڈ کا حصہ ہیں ۔
