پاکستان ہمارا اہم شراکت دار ہے،رشتے کو مضبوط بنانے کی کوشش کریں گے:امریکا

امریکا نے کہا ہے کہ پاکستان خطے میں ہمارا بہت ہی اہم ترین شراکت دار ہے اور ہم پاکستان سے رشتہ مزید مضبوط بنانے کی کوشش کریں گے۔

امریکی محکمہ خارجہ کے نائب ترجمان ویدانت پٹیل نے پریس بریفنگ میں گفتگو کرتے ہوئے کہا ہے کہ پاکستان خطے میں ہمارے اہم ترین شراکت داروں میں سے ایک ہے، ہماری پاکستان سے سکیورٹی اور تجارتی شعبوں دونوں میں خاص شراکت داری ہے۔بات کرتے ہوئے ویدانت پٹیل نے کہا کہ ہمارا پاکستان کے ساتھ سکیورٹی اور تجارت کے شعبوں میں تعاون جاری ہے، ہمارا  پاکستان سےمضبوط رشتہ ہے اور اس رشتے کو مزید مضبوط بنانے کی کوشش کریں گے، پاکستانی وزیر خزانہ دورے کے دوران محکمہ خارجہ کے ارکان سے مشاورت کیلئے ملے۔مزید امریکی محکمہ خارجہ کے نائب ترجمان ویدانت پٹیل نے کہا ہے کہ جمہوریت میں ایک آزاد پریس کا لازمی کردار ہے، ہم باقاعدگی سے پریس کے سوالوں کا سامنا کرتے ہیں، سکھ رہنما پر حملے کا معاملہ امریکی محکمہ انصاف دیکھ رہا ہے۔