پاکستان اسٹاک ایکسچینج میں کاروباری ہفتے کے تیسرے روز نمایاں تیزی دیکھنے میں آئی، جہاں ہنڈرڈ انڈیکس میں 2 ہزار 727 پوائنٹس کا بڑا اضافہ ریکارڈ کیا گیا۔
کاروبار کے دوران ہنڈرڈ انڈیکس بڑھ کر 1 لاکھ 67 ہزار 513 پوائنٹس کی سطح تک پہنچ گیا، جو سرمایہ کاروں کے بڑھتے ہوئے اعتماد کی عکاسی کرتا ہے۔
ماہرین کے مطابق عالمی سطح پر ایران اور امریکہ کے درمیان کشیدگی میں کمی اور ممکنہ مذاکرات کی خبروں نے اسٹاک مارکیٹ پر مثبت اثر ڈالا ہے، جس کے باعث سرمایہ کاری میں اضافہ ہوا۔
دوسری جانب کرنسی مارکیٹ میں امریکی ڈالر کی قدر میں معمولی کمی ریکارڈ کی گئی۔ انٹربینک مارکیٹ میں ڈالر 2 پیسے سستا ہو کر 279 روپے 15 پیسے پر ٹریڈ ہو رہا ہے۔
معاشی ماہرین کا کہنا ہے کہ اگر علاقائی صورتحال مزید بہتر ہوتی ہے تو اس کے مثبت اثرات پاکستان کی معیشت اور مالیاتی منڈیوں پر بھی جاری رہ سکتے ہیں۔
