اسلام آباد: فیڈرل بورڈ آف ریونیو نے اعلان کیا ہے کہ پاکستان نے ورلڈ کسٹمز آرگنائزیشن (ڈبلیو سی او) میں ایک تاریخی کامیابی حاصل کی ہے۔
پاکستان نے تقریباً 70 سال بعد پہلی مرتبہ ڈبلیو سی او پالیسی کمیشن میں جگہ بنا لی ہے۔
ایف بی آر کے مطابق پاکستان کسٹمز 2026 سے 2028 تک ڈبلیو سی او پالیسی کمیشن کا حصہ رہے گا۔
یہ عالمی سطح پر پاکستان کیلئے ایک بڑا اعزاز قرار دیا جا رہا ہے۔
ایف بی آر کا کہنا ہے کہ ایشیا پیسیفک خطے میں پاکستان نے اہم سفارتی کامیابی حاصل کی۔
پاکستان نے سخت مقابلے کے بعد ڈبلیو سی او کی اہم نشست اپنے نام کی۔
ہانگ کانگ میں ہونے والے آر ایچ سی اے اجلاس کے دوران پاکستان کی نمائندگی اور سفارتی کوششوں کو بھرپور پذیرائی ملی۔
ایف بی آر کے مطابق پاکستان سنگل ونڈو ماڈل کو ایشیا پیسیفک ممالک کی جانب سے بھرپور سراہا گیا۔
پاکستان کسٹمز کی ڈیجیٹل اصلاحات کو بھی عالمی سطح پر تسلیم کیا گیا۔
پاکستان سنگل ونڈو کے نمائندگان کی پریزنٹیشن کو اجلاس میں خصوصی توجہ حاصل رہی۔
