پاکستانی بولرز نے ریورس سوئنگ کا جادو پوری دنیا کو سکھایا،محمد شامی

بھارتی فاسٹ بولر محمد شامی نے ایک انٹرویو میں ٹی20 ورلڈکپ کے دوران ارشدیپ سنگھ سے متعلق انضمام الحق کے بال ٹیمپرنگ کے الزام پر کھل کر بات کی ہے۔
محمد شامی نے کہا ہے کہ انضی بھائی پاکستانی عوام کو دھوکا دینا بند کریں، اگر چیمپئینز ٹرافی 2025 کیلئے آیا تو 3 گیندیں لے کر جاؤں گا اور انہیں دکھاؤں گا کہ ان میں کوئی ڈیوائسز نہیں تھیں اور 20 لوگوں کے سامنے گیندوں کو دو ٹکڑے کردوں گا۔
محمد شامی نے کہا کہ پاکستانی بولرز نے ہی ریورس سوئنگ کا جادو پوری دنیا کو سیکھایا اور اب ایسے الزامات لگا رہے ہیں۔ انضمام بھائی کو ماضی میں اپنے بولرز کی جانب سے گیند سے چھیڑ چھاڑ کرنے کے واقعات کو یاد رکھنا چاہیے۔
انہوں نے کہا کہ مجھ پر 2023 کے ون ڈے ورلڈکپ کے دوران گیند میں ڈیوائس لگانے کا الزام لگایا گیا، کیا عجیب بچوں والی باتیں کررہے ہیں، انضی بھائی کا بہت احترام کرتا ہوں لیکن ایسے بیانات کی اِن سے توقع نہیں کرتا۔
بہارتی فاسٹ باولر نے کہا کہ انضمام الحق ریورس سوئنگ کے آرٹ کو متعارف کروانے والے لوگوں میں شمار ہوتے ہیں۔
یاد رہے کہ ٹی20 ورلڈکپ 2024 کے دوران ایک انٹرویو میں انضمام الحق نے کہاتھا کہ آسٹریلیا کے خلاف میچ میں بھارتی فاسٹ باولر ارشدیپ سنگھ 15ویں اوور میں گیند ریورس کررہے ہیں تو اسکا مطلب صاف ہے کہ بال کیساتھ چھیڑخانی کی گئی تھی۔