دبئی:متحدہ عرب امارات میں پاکستانی سفارتخانے نے پاکستانی شہریوں پر ویزا پابندیوں کی خبروں کو غلط او بے بنیاد قرار دیتے ہوئے کہا ہے کہ یو اے ای حکومت نے دستاویز کے اشتراک کے حوالے سے حالیہ میڈیا رپورٹس کو مسترد کر دیا۔
یو اے ای میں پاکستانی سفارتخانے نے کہا ہے کہ متحدہ عرب امارات کے حکام نے ایسی کوئی دستاویز شیئر نہیں کی ہے۔ پاکستان کے متحدہ عرب امارات کے ساتھ مضبوط اور خوشگوار تعلقات ہیں اور دونوں حکومتیں باہمی تشویش کے کسی بھی مسئلے کو دوطرفہ تعمیری بات چیت کے ذریعے حل کرنے کے لیے پرعزم ہیں۔
پاکستانی سفارتخانے کے مطابق سفارت خانہ متحدہ عرب امارات میں پاکستانی شہریوں کے مفادات کے تحفظ کے لیے پوری طرح پرعزم ہے۔
پاکستان کے سفارتخانے نے یہ بھی کہا ہے کہ پاکستان اور متحدہ عرب امارات کے درمیان دوستانہ تعلقات کو مزید مستحکم کرنے کے لیے متحدہ عرب امارات کے حکام کے ساتھ مل کر کام کرتا رہے گا۔
