پاکستان کا اہم اقدام، بٹ کوائن مائننگ اور اے آئی ڈیٹا سینٹرز کیلئے توانائی کا تاریخی فیصلہ، پاکستان نے بٹ کوائن مائننگ اور اے آئی ڈیٹا سینٹرز کیلئے 2 ہزار میگاواٹ بجلی مختص کردی ۔
وفاقی وزارت خزانہ کے مطابق یہ اقدام قومی ڈیجیٹل انفرا اسٹرکچر منصوبے کا پہلا مرحلہ ہے، اضافی بجلی کو بٹ کوائن مائننگ اور جدید ٹیکنالوجی کے استعمال میں لانے کی حکومت نے حکمت عملی بنا لی ۔
پاکستان کرپٹو کونسل اس منصوبے پر عملدرآمد کی نگرانی کرے گی، اس منصوبے کا مقصد غیر ملکی سرمایہ کاری کو پاکستان کی جانب متوجہ کرنا ہے ۔
یہ منصوبہ ٹیکنالوجی سیکٹر میں روزگار کے مواقع پیدا کرنے کیلئے ترتیب دیا گیا ہے،حکومت معیشت کو جدید بنانے کیلئے ڈیجیٹل نظام لا رہی ہے ،بٹ کوائن مائننگ اور ڈیٹا سینٹرز کی بجلی کی ضروریات کو ترجیحی بنیادوں پر پورا کیا جائے گا ۔
معاشی ماہرین کے مطابق بٹ کوائن مائننگ اور اے آئی ٹیکنالوجی سے قومی سلامتی میں نئی جہتیں شامل ہوں گی ۔
معاشی ماہرین کا مزید کہنا ہے کہ جدید ڈیجیٹل منصوبے ملکی استعداد کو مزید مضبوط بنا سکتے ہیں، ڈیجیٹل انفرااسٹرکچر ملکی خودمختاری کو تقویت دے گا ۔
