پشاور (خصوصی رپورٹر) — نوجوان کسی بھی قوم کا قیمتی سرمایہ اور ملک کے روشن مستقبل کے معمار ہوتے ہیں۔ اسی سوچ کے تحت پشاور سینٹر سے “پرمختگ” کے نام سے ایک معلوماتی اور رہنمائی پر مبنی ہفتہ وار پروگرام نشر کیا جا رہا ہے، جو نوجوان نسل میں تیزی سے مقبولیت حاصل کر رہا ہے۔
پروگرام کے میزبان زکی الرحمن ہیں، جبکہ اس میں مختلف شعبہ ہائے زندگی سے تعلق رکھنے والی کامیاب، سینئر اور تجربہ کار شخصیات کو مدعو کیا جاتا ہے۔
یہ مہمان طلبہ و طالبات کے ساتھ تفصیلی گفتگو کرتے ہیں، اپنے تجربات شیئر کرتے ہیں اور نوجوانوں کے سوالات کے جوابات دے کر ان کی عملی اور تعلیمی رہنمائی کرتے ہیں۔
“پرمختگ” اپنے منفرد فارمیٹ اور مثبت موضوعات کی بدولت کالجز اور یونیورسٹیوں کے طلبہ میں خاصی مقبولیت حاصل کر چکا ہے اور نوجوان اسے باقاعدگی سے دیکھ رہے ہیں۔
