Latest Urdu news from Pakistan - Peshawar, Lahore, Islamabad

پشاور:2024انتخابات،سیکورٹی کاجائزہ لینے کیلئے اہم اجلاس منعقد

ملک بھِر میں2024انتخابات کے لئے سیکورٹی کاجائزہ لینے کیلئے اہم اجلاس منعقد ہوا

چیف سیکرٹری وائی جی پولیس خیبر پختونخوا کی سربراہی میں 8فروری کو منعقد ہونے والے عام انتخابات کی تیاریوں اور سیکورٹی امور کے حوالے سے اہم اجلاس ہوا۔ اس میں تمام متعلقہ انتظامی سیکرٹریوں، ایڈیشنل چیف سیکرٹری محکمہ داخلہ، اور دیگر محکموں کے سربراہان نے شرکت کی

صوبے کے تمام ڈویژنل کمشنرز، ڈپٹی کمشنرز اور ڈسٹرکٹ وریجنل پولیس افسران ویڈیو لنک کے ذریعے شرکت کی۔ اس اجلاس میں عام انتخابات کے دوران سیکورٹی انتظامات پر تفصیلی جائزہ لیا گیا ہے۔ الیکشن کے دن پولیس کی بڑی افرادی قوت سیکورٹی پر مشغول ہوگی

چیف سیکرٹری کی ہدایت پر دیگر متعلقہ محکموں کے اہلکار و شہری دفاع کے رضاکار بھی ڈسٹرکٹ پولیس افسران کی نگرانی میں پولیس کی مدد فراہم کریں گے۔محکمہ جنگلات سے 1200، وائلڈ لائف 700، ایکسائیز 500، انٹی کرپشن 270، بہبود آبادی (خواتین) 1977، صحت (خواتین) 12 ہزار ملازمین سمیت شہری دفاع سے 4125 رضاکار پولیس کی مدد فراہم کریں گے۔

تمام انتہائی حساس پولنگ اسٹیشنز پر سی سی ٹی وی کیمرے نصب کئے جائیں گے، جبکہ 23 برفانی اضلاع میں بلاتعطل انتخابات کے عمل کو یقینی بنانے کی ہدایت کی گئی ہے۔ زیریں علاقوں میں برفباری سے نقل مکانی کرنیوالے عوام کو ووٹ کی سہولت کیلئے پولنگ سٹیشنز قائم کرنے کا بھی فیصلہ کیا گیا ہے۔یاد رہے کہ صوبائی حکومت خیبر پختونخوا کی جانب سے پولنگ اسٹیشنز پر سہولیات کی دستیابی کے لیے فنڈز مہیا کئے گئے ہیں۔ چیف سکرٹری خیبر پختونخوا نے کہا ہے کہ الیکشن کمیشن کی طرف سے جاری کردہ ضابطہ اخلاق پر مکمل عمل درآمد کروایا جائیگا اور جنرل الیکشن 2024ء کیلئے ہونے والے اقدامات پر اطمینان کا اظہار کیا گیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.