پشاور (شوبز نیوز) — سینئر اداکار ممتاز زیب نے کہا ہے کہ فنکاروں کا استحصال ہر دور میں کیا جاتا رہا ہے جو کہ سراسر ناانصافی ہے۔
انہوں نے خیبرپختونخوا حکومت پر تنقید کرتے ہوئے کہا کہ فنکاروں کی فلاح و بہبود کے لیے عملی اقدامات کرنے کے بجائے صرف وعدوں اور اعلانات تک بات محدود ہے۔
ممتاز زیب کے مطابق فنکاروں کی تنظیموں کو محض فوٹو سیشنز اور ملاقاتوں تک محدود رکھا گیا ہے جبکہ فلاحی اقدامات نظر نہیں آ رہے۔ انہوں نے مزید کہا کہ فنکاروں کے لیے اعلان کردہ ویلفیئر فنڈ پر ایک سال سے زائد عرصہ گزرنے کے باوجود عملدرآمد نہیں ہو سکا، جو کہ فنکار برادری کے ساتھ سنگین ناانصافی ہے۔
