پشاور کے علاقے بڈھ بیر میں خونی تصادم ہوا جس میں ایک ہی خاندان کے 9 افراد کو گھر کے اندر مار دیا گیا جبکہ اس کے ساتھ ہی دو افراد کو زخمی بھی کردیا گیا۔جان بحق ہونے والوں میں چار خواتین جبکہ 5 معصوم بچے شامل ہیں۔
ذرائع کے مطابق جائیداد کے تنازعہ پر مخالفین نے گھر میں زبردستی گھس کر شدید فائرنگ کی، اس فائرنگ کی وجہ سے 9افرادجاں بحق ہو گئے ہیں۔ڈی ایس پی بڈھ بیر سرکل کے مطابق جاں بحق ہونےوالوں میں 4 خواتین جبکہ 5 بچے شامل ہیں۔اس واقعہ میں 2 افراد شدید زخمی ہوگئے ہیں۔پولیس ذرائع کے مطانق رقم لین دین کی وجہ سے فریقین کے مابین شدید تیز فائرنگ ہوئی۔ تمام ملزمان نے گھر میں گھس کر فائرنگ کی اور وہ ارتکاب جرم کے بعد فوری طور پر فرار ہو گئے۔
اس واقعہ کی جیسے ہی اطلاع ملی ایس پی صدر ڈویژن محمد زمان خان، ڈی ایس پی بڈھ بیر نظیف الرحمان خان، ایس ایچ او تھانہ بڈھ بیر اور دیگر پولیس افسران فورا موقع پر پہنچ گئے.پولیس ذرائع کے مطابق تمام لاشوں کو پوسٹمارٹم اور زخمیوں کو ابتدائی طبی امداد کے لئے ہسپتال منتقل کردیا گیا ہے.یاد رہے کہ واقعہ میں9افرادجاں بحق جبکہ 2 زخمی ہوئے ہیں.
