ملک کے دیگر شہروں کی طرح پشاور شدید گرمی پڑ رہی ہے۔ اس گرمی کے موسم میں بجلی کی طویل لوڈشیڈنگ کا سلسلہ جاری ہے۔بجلی کی لوڈشیڈنگ سے تنگ آکر شہریوں نے گرڈ اسٹیشن میں گھس کر خود ہی بجلی کو بحال کردیا۔
پشاور کے شہریوں نے اس شدید گرمی کے موسم میں بجلی کی لوڈشیڈنگ کےخلاف رکن صوبائی فضل الٰہی کی قیادت میں ہزارخوانی گرڈ اسٹیشن کےباہر احتجاج کیا جہاں پر احتجاج کے دوران علاقے کے عمائدین اور دیگر رہائشی گرڈ اسٹیشن کے اندر موجود رہے۔اس احتجاجی مظاہرے میں شامل اہل علاقہ نے گرڈ اسٹیشن سے خود ہے بجلی کو بحال کردیا۔ذرائع کے مطابق رکن صوبائی اسمبلی فضل الٰہی نے کہا کہ تمام فیڈرز جاکر بجلی بحال کرائیں گے، علاقہ عمائدین گرڈ اسٹیشن میں بجلی بحال رکھیں گے، اگر ہماری بجلی بند ہوگی،تو ہم سب کی بجلی بندکریں گے۔ان کے مطابق دیہی علاقوں میں 8 ماہ بعد میٹر لگایا جاتا ہے اور اس کے بعد 80 ہزارکا بل بھیج دیا جاتا ہے، کل شیخ محمدی فیڈر بند کروں گا تواسلام آباد تک فیڈر بند ہوجائیں گے۔
