پشاور(تحسین اللہ تاثیر) تھانہ یکہ توت کی حدود رشید گڑھی میں سوشل میڈیا پر ایک دوسرے کے خلاف مضحکہ خیز مواد شئیر کرنے پر فریقین کے مابین فائرنگ ہوئی.
پولیس کے مطابق فائرنگ کے دوران فریقین سے 3 افراد جاں بحق ہوئے جن میں ارشد، حاجی حمید اور نیازعلی شامل ہیں، واقعے میں 5 افراد زخمی ہوئے جن کے نام ابراہیم ، ہارون، شاداب، ادریس، قدر بادشاہ ہے۔
پولیس نے موقع پر پہنچ کر نعشوں کو پوسٹمارٹم اور زخمیوں کو علاج کیلئے ہسپتال منتقل کردیا۔
پولیس کے مطابق بروقت کارروائی کرتے ہوئے ملوث ملزمان ہمایون، امین، عثمان، جلال الدین کو گرفتار کرلئے ہیں اور ان کے قبضے سے ایک عدد کلاشنکوف، تین عدد پستول بھی برآمد کرلئے گئے ہیں۔
