پشاور ہائیکورٹ میں آج مخصوص نشستوں سے متعلق کیس کی سماعت ہوگی
آج پشاور ہائیکورٹ میں مخصوص نشستوں پر حکم امتناعی سے متعلق کیس کی سماعت ہوگی۔اعلامیہ کے مطابق 5 رکنی لارجر بنچ کیس کی سماعت کیلئے تشکیل دے دی گئی ہے جس کی سربراہی جسٹس اشتیاق ابراہیم کریں گئے۔جسٹس اعجاز انور، جسٹس عتیق شاہ، جسٹس شکیل احمد اور جسٹس ارشد علی بھی بینچ کے دیگر ممبران میں شامل ہیں۔واضح رہے کہ عدالت نے 13 مارچ تک مخصوص نشستوں سے متعلق حکم امتناعی میں توسیع کی تھی۔ذرائع کے مطابق تمام فریقین کو کیس سے متعلق نوٹسز جاری کئے گئے ہیں جبکہ آج اٹارنی جنرل کو بھی پیش ہونے کا حکم دیا گیا ہے۔
