پشاور: مشیر اطلاعات خیبرپختونخوا بیرسٹر محمد علی سیف نے کہا ہے کہ کل بروز ہفتہ ضلع کرم کیلئے جانے والے قافلے کے سفری اور حفاظتی انتظامات جاری ہیں ۔
اپنے ایک بیان میں بیرسٹر سیف کا کہنا تھا کہ اپیکس کمیٹی کے فیصلے کی روشنی میں علاقے کو اسلحہ اور بنکرز سے پاک کیا جائیگا ۔
انہوں نے کہا کہ معاہدہ کے مطابق اسلحہ جمع کرنے کے لئے دونوں فریق 15 دنوں کے اندر اندر مربوط لائحہ عمل دینگے ۔
بیرسٹر سیف نے کہا کہ جس فریق نے مذکورہ دنوں کے اندر لائحہ عمل نہیں دیا تو اس پر اپیکس کمیٹی کا فیصلہ نافذالعمل ہوگا ۔
ان کا کہنا تھا کہ اسلحہ کے آزادانہ نمائش استعمال پر پابندی ہوگی، اسلحہ خریدنے کے لئے چندہ جمع کرنے کی اجازت نہیں ہوگی ۔
مشیر اطلاعات نے کہا کہ معاہدے کے مطابق فریقین کے ہر قسم کے بنکرز کی تعمیر پر پابندی ہوگی،علاقے میں پہلے سے موجود بنکرز ایک مہینے کے اندر اندر ختم کئے جائینگے ۔
ان کا کہنا تھا کہ بنکرز کی مسماری کے بعد جو بھی فریق لشکر کشی کریں گا انکو دہشت گرد سمجھ کر کاروائی کی جائیگی ۔
