پشاور میں نامعلوم افراد کی فائرنگ سے پولیس افسرحاجی اکبر خان شہید ہوگئے ہیں۔
پشاور کے تھانہ سربند کی حدود میں نامعلوم افراد نے فائرنگ کی۔اس فائرنگ سے پولیس افسر اے ایس آئی حاجی اکبر ولد اکبر خان شہید ہو گئے ہیں۔پولیس کے مطابق شہید پولیس آفسر پال آفس حیات آباد میں تعینات تھے جو کہ موٹر سائیکل کے ذریعے ڈیوٹی پر جا رہا تھے کہ اس دوران نامعلوم افراد کی فائرنگ کا نشانہ بن گئے۔پولیس ذرائع کے مطابق نامعلوم افراد کی فائرنگ سے ایک راہگیر بھی شدید زخمی ہوا ہے۔ایس پی کینٹ نے کہا ہے کہ پولیس نے جائے وقوعہ سے شواہد اکھٹے کر لئے ہیں۔تفتیش کے ساتھ ساتھ علاقے میں سرچ آپریشن بھی شروع کر دیا گیا ہے۔
