پشاور ہائی کورٹ کے رجسٹرار نے خیبرپختونخوا حکومت کے مراسلے پر جوابی مراسلہ صوبائی حکومت کو ارسال کردیا ہے۔
پشاور ہائیکورٹ نے کہا ہے کہ موجودہ صورت حال میں 9 مئی کے واقعات کے لیے جوڈیشل کمیشن تشکیل نہیں دیا جا سکتا۔
رجسٹرار پشاور ہائی کورٹ کے جوابی مراسلے میں کہا گیا ہے کہ خیبر پختونخوا حکومت نے جوڈیشل کمیشن کی تشکیل کے لیے جو درخواست ارسال کی تھی موجودہ حالات میں اس پر جوڈیشل کمیشن کی تشکیل ممکن نہیں۔
جوابی مراسلے میں مزید کہا گیا ہے کہ جس فورم سے یہ درخواست ارسال کی گئی ہے وہ اس کا مجاز نہیں۔
صوبائی حکومت کے رولز آف بزنس 1985 کی خلاف ورزی ہے اس لیے اس صورت میں اس درخواست پر عمل نہیں کیا جا سکتا۔
