ڈیرہ اسماعیل خان میں تھانہ یارک کے سامنے نامعلوم مسلح افراد کی فائرنگ کے نتیجے میں ایک پولیس اہلکار شہید ہو گیا۔
پولیس کے مطابق فائرنگ کا واقعہ تھانہ یارک کے سامنے پیش آیا جہاں نامعلوم حملہ آوروں نے اچانک پولیس اہلکار کو نشانہ بنایا اور فرار ہو گئے۔ شہید ہونے والے اہلکار کی شناخت عزیز کے نام سے ہوئی ہے۔
واقعے کے فوری بعد پولیس کی بھاری نفری موقع پر پہنچ گئی اور علاقے کو گھیرے میں لے کر سرچ آپریشن شروع کر دیا گیا۔ پولیس حکام کا کہنا ہے کہ حملہ آوروں کی تلاش جاری ہے جبکہ واقعے کی مزید تحقیقات بھی شروع کر دی گئی ہیں۔
شہید اہلکار کی میت کو ضروری کارروائی کے لیے اسپتال منتقل کر دیا گیا ہے۔ علاقے میں سیکیورٹی مزید سخت کر دی گئی ہے۔
