ضلع کرم میں نامعلوم شرپسندوں نے ایک اور کارروائی کرتے ہوئے پولیس اہلکار کو اغوا کرلیا،شرپسندوں نے پولیس اہلکار کو گاڑی سے اتار کر اغوا کیا۔
ذرائع کے مطابق پولیس اہلکار افضل خان اپنے گاوں جا رہا تھا کہ راستے سے شرپسندوں نے اغوا کرلیا ۔
ذرائع کا کہنا ہے کہ دہشتگروں نے سڑک پر ناکہ لگاکر گاڑیوں کی تلاشی لی اور پولیس اہلکار کی پہچان کرکے اسے اپنے ساتھ لے گئے۔
واضح رہے کہ گزشتہ کئی مہینوں سے ضلع کرم میں کالعدم ٹی ٹی پی کی کارروائیاں جاری ہیں، جس میں شرپسندوں نے سیکیورٹی فورسز، پولیس اور معصوم عوام کو کئی بار نشانہ بنایا۔
