کوئٹہ: بلوچستان کے 25 اضلاع میں لوکل گورنمٹ کے ضمنی انتخابات کیلیے پولنگ جاری ہے، ووٹنگ کا عمل صبح 8 بجے شروع ہوا اور شام 5 بجے تک بغیر کسی وقفے کے جاری رہا ۔
صوبائی الیکشن کمیشن کے مطابق مقامی حکومتوں کے انتخابات کے 50 جنرل وارڈز میں 167 امیدوار کے درمیان مقابلہ ہے ۔
صوبائی الیکشن کمیشن کے مطابق مقامی حکومتوں کے ضمنی انتخابات کے لیے سیکیورٹی کے سخت انتظامات کیے گئے ہیں، 25 اضلاع میں مجموعی طور پر 60 پولنگ سٹیشن اور 138 پولنگ بوتھ قائم کیے گئے ہیں ۔
صوبائی الیکشن کمیشن نے کہا ہے کہ پولنگ کے لیے رجسٹرڈ ووٹرز کی تعداد 43784 ہے ۔ پولنگ کے لیے ضروری سامان ہفتہ کے روز پریذائیڈنگ افسران کے حوالے کیا گیا تھا۔
