وزیراعظم اورسعودی ولی عہد کی ملاقات ہوئی ہے۔ملاقات میں دو طرفہ تعلقات پر تبادلہ خیال کیا گیا ہے
وزیراعظم شہبازشریف اور سعودی ولی عہد شہزادہ محمد بن سلمان کی ملاقات ہوئی ہے،دونوں رہنمائوں کے درمیان ملاقات میں دوطرفہ تعلقات اور باہمی دلچسپی کے امور پر تبادلہ خیال کیاگیا ہے ۔وزیراعظم شہبازشریف اور وفد کے ارکان کا سعودی ولی عہد شہزادہ محمد بن سلمان نے استقبال کیا۔الصفا پیلس میں ہونے والی ملاقات میں ولی عہد بحرین بھی شریک ہوئے، وزیراعظم شہباز شریف کے اعزاز میںسعودی ولی عہد شہزادہ محمد سلمان نے افطار ڈنر بھی دیا۔افطار کے ڈنر میں وزیراعلی پنجاب مریم نواز اور وفد کے دیگر ارکان بھی شریک ہوئے۔اس کے بعد وزیراعظم شہباز شریف مدینہ منورہ میں ایک روز قیام کے بعد مکہ مکرمہ پہنچے تو وزیراعظم شہباز شریف کامکہ کے ریلوے سٹیشن پر پاکستان میں سعودی سفیر نواف بن سعید المالکی نے استقبال کیا۔
