اسلام آباد: وزیراعظم شہباز شریف نے ایوان میں وزرا کی غیر حاضری کا نوٹس لیتے ہوئے انہیں پارلیمانی کارروائی میں حاضری یقینی بنانے کی ہدایت کردی ۔
وزیراعظم شہباز شریف نے وفاقی وزراء کو لکھے گئے خط میں کہا ہے کہ وزراء کی ایوان میں غیر حاضری سے احتساب کے اصولوں اور شفافیت کے عمل کو نقصان پہنچتا ہے، وزرا کے ایوان میں حاضر نہ ہونے سےعوام کے جمہوری اداروں پر اعتماد کو بھی نقصان پہنچے کا خدشہ ہے ۔
وزیراعظم کا کہنا تھا کہ وزرا کا اپنے ماتحت افسران کو آئینی ذمہ داریاں دینا قابل قبول نہیں، یہ عمل وزراء کی جانب سے گورننس میں غیر سنجیدگی بھی ظاہر کرتا ہے ۔
وزیراعظم نے وفاقی وزرا کو ایوان کی کارروائیوں میں حاضری اور آفیشل معاملات کے لیے پارلیمنٹ میں موجود وزراء کو چیمبر میں موجودگی یقینی بنانے کی ہدایت کی ۔
