اسلام آباد (سیار علی شاہ) صدر ہاوس اسلام آباد میں منعقدہ تقریب میں 19 رکنی کابینہ سے حلف صدر آصف علی زرداری نے لیا. حلف اٹھانے والوں میں اسحاق ڈار، خواجہ آصف، احسن اقبال، خالد مقبول صدیقی، شزا فاطمہ، محسن نقوی، امیر مقام، چوہدری سالک، ریاض پیرزادہ، رانا تنویر اور جام کمال، عطا اللہ تارڑ، مصدق ملک، محمد اورنگزیب، احد چیمہ اور اعظم نذیر تارڑ شامل ہیں. حلف برداری تقریب میں نو منتخب وزیراعظم شہباز شریف سمیت عسکری و سیاسی قیادت نے شرکت کی۔
حلف برداری کے بعد وزارت خزانہ، وزارت خارجہ، وزارت توانائی، منصوبہ بندی، داخلہ اور وزارت اطلاعات کے قلم دان سونپے جائیں گے۔ دوسری طرف وزیراعظم شہباز شریف نے نئی منتخب وفاقی کابینہ کا پہلا اجلاس کل طلب کر لیا، اجلاس کل شام پانچ ہوگا.
