وزیراعظم شہباز شریف نے چیئرمین سینیٹ اور سپیکر قومی اسمبلی سمیت دیگر اراکین پارلیمان اور وفاقی وزرا کی تنخواہوں میں اضافے کا نوٹس لے لیا۔
اسلام آباد: ذرائع کے مطابق وزیراعظم شہباز شریف نے نوٹس لینے کے بعد چیئرمین سینیٹ ، ڈپٹی چیئرمین سینیٹ، سپیکر قومی اسمبلی اور ڈپٹی اسپیکر قومی اسمبلی سے رپورٹ طلب کرلی ہے ۔
ذرائع نے بتایا کہ وزیراعظم رپورٹ کی روشنی میں سپیکر قومی اسمبلی اور چیئرمین سینیٹ کی تنخواہوں میں اضافے پر فیصلہ کریں گے ۔
واضح رہے کہ سپیکرقومی اسمبلی اور چیئرمین سینیٹ سمیت دیگر اراکین اور وزرا کی تنخواہوں میں بے تحاشہ اضافہ ہوا ہے جب کہ وفاقی حکومت نے آئندہ مالی سال کے بجٹ میں سرکاری ملازمین کے لیے 10 فیصد تک تنخواہوں میں اضافے کا اعلان کیا ہے ۔
