لکی مروت کے علاقے مچن خیل سے تعلق رکھنے والے معروف سیاسی و سماجی شخصیت اور امن کمیٹی کے رکن ملک نبی اللہ کو نامعلوم افراد نے قتل کر دیا، جبکہ ان کے دو ساتھیوں کو اغوا کر لیا گیا۔
ذرائع کے مطابق ملک نبی اللہ اپنے دو دوستوں کے ہمراہ موٹرکار میں بنوں کے علاقے ڈومیل گئے تھے۔ اس دوران نامعلوم مسلح افراد نے انہیں اور ان کے ساتھیوں کو اغوا کر لیا۔
ذرائع کا کہنا ہے کہ اغوا کے بعد ملزمان نے ملک نبی اللہ کو قتل کر دیا، جبکہ ان کے دو دیگر ساتھی تاحال نامعلوم افراد کی تحویل میں ہیں۔
واقعے کے بعد علاقے میں خوف و ہراس پھیل گیا ہے، جبکہ سیکیورٹی اداروں نے واقعے کی تحقیقات شروع کر دی ہیں اور مغوی افراد کی بازیابی کے لیے کوششیں جاری ہیں۔
