اسلام آباد (تحسین اللہ تاثیر): تحصیل جمرود میں بھگیاڑی چیک پوسٹ پر تیراہ راجگال متاثرین کا احتجاجی دھرنا جاری ہے جس کے باعث 7دنوں سے پاک افغان شاہراہ بند پڑی ہے۔
دھرنے کی وجہ سے ٹرانسپورٹ گاڑیوں کا عملہ بھی کھلے آسمان تلے راتیں گزارنے پر مجبور ہے۔ ٹرانسپورٹرز اور ڈرائیورز کا کہنا ہے کہ ہمارے لئے پینے کا صاف پانی تک میسر نہیں۔ ٹرانسپورٹرز نے حکومت اوردھرنا شرکاءسے مطالبہ کیا کہ وہ مسئلہ مذاکرات سے حل کریں اور پاک افغان شاہراہ کو ٹریفک کے لئے جلد کھول دیں تاکہ ہماری مشکلات میں کمی آجائے۔ تیراہ راجگال کوکی خیل متاثرین کا مطالبہ ہے کہ راجگال کو واپسی کرکے نقصانات کا ازالہ جلد سے جلد کیا جائے۔
