پاکستان سپرلیگ 10 کے 23 ویں میچ میں اسلام آباد یونائٹڈ کے 158 رنز کا ہدف کوئٹہ گلیڈی ایٹرز نے 8 وکٹ کے نقصان پر آخری اوور میں پورا کرکے کامیابی حاصل کی ۔
لاہور کے قذافی سٹیڈیم میں کھیلےگئے میچ میں کوئٹہ گلیڈی ایٹرز نے ٹاس جیت کر فیلڈنگ کا فیصلہ کیا، اسلام آباد یونائیٹڈ نے کوئٹہ گلیڈی ایٹرز کو جیت کے لیے 158 رنز کا ہدف دیا ۔
اسلام آباد یونائیٹڈ کی جانب سے محمد نواز نے49 رنزکی اننگز کھیلی، اوپنرصاحبزادہ فرحان نے39 رنز بنانے میں کامیاب ہو سکے ،کوئٹہ کی جانب سے فہیم اشرف نے 25 رنز کے عوض 4 وکٹیں حاصل کیں ۔
کوئٹہ گلیڈی ایٹرز نے دلچسپ مقابلےکے بعد ہدف 8 وکٹ کے نقصان پر ایک گیند قبل حاصل کرلیا،حسن نواز 64 رنز بنا کر ناقابل شکست رہے، ریلی روسو نے27 اور فن ایل نے 20 رنز بنائے ۔
اسلام آباد کی جانب سے نسیم شاہ اور سلمان ارشاد نے 2،2 وکٹیں حاصل کیں،ایونٹ میں کوئٹہ گلیڈی ایٹرز 11 پوائنٹس کے ساتھ پہلے نمبر پر آگئی ۔
میچ میں شاندار 64 رنز ک اننگز کھیلنے پر حسن نواز کو بہترین کھلاڑی کا انعام دیا گیا ۔
