رمضان المبارک:فوڈ پیکیج کی بجائے شہریوں کو نقد رقم دینے کا فیصلہ
رمضان المبارک میں فوڈ پیکیج کی بجائے شہریوں کو نقد رقم دینے کا فیصلہ کیا گیا ہے
خیبر پختونخوا کے وزیرِ خوراک ظاہر شاہ طورو نے رمضان المبارک کے حوالے سے آگاہ کیا ہےکہ شہریوں کی سہولت کے لیے ماہ مقدس میں خصوصی پلان تشکیل دیدیا گیا ہے۔ان کے مطابق فوڈ پیکیج کی بجائے شہریوں کو نقد رقم دی جائے گی۔ عوام کو دھکم پیل اور بد نظمی سے بچانے کیلئِے نقد رقم دینے کا فیصلہ کیا گیاہے۔صوبائئ وزیر خوراک ظاہر شاہ طورو کے مطابق تقریبا صوبے میں احساس پروگرام کے لیے 50 لاکھ لوگ رجسٹرڈ ہیں، ہر خاندان کو 10 ہزار روپے احساس پروگرام کے تحت دیے جائیں گے۔ ان کا مہنگائی کے حوالے سے کہنا تھا کہ رمضان میں سخت اقدامات اشیائے خورد و نوش کی قیمتوں کے کنٹرول اور گرانفروشی میں ملوث افراد کے خلاف کیے جائیں گے۔