بلوچستان کے ضلع قلعہ عبداللہ کی تحصیل میزئی اڈہ کے علاقے بدوان میں دو گروپوں کے درمیان فائرنگ کے نتیجے میں کمانڈر عبید اللہ کاکڑ سمیت چار افراد جاں بحق ہوگئے۔
مقامی قبائلی رہنما ملا کاکوزئی نے دعویٰ کیا ہے کہ کمانڈر عبید اللہ کاکڑ کے ساتھ ان کی پرانی ذاتی دشمنی تھی، جس کی بنا پر یہ کارروائی کی گئی۔
واقعے کے بعد علاقے میں کشیدگی پھیل گئی، جبکہ مقتول کمانڈر عبید اللہ کاکڑ کے قتل کے خلاف احتجاجی مظاہرہ بھی کیا گیا۔ مظاہرین نے حکومت اور قانون نافذ کرنے والے اداروں سے مطالبہ کیا کہ واقعے میں ملوث تمام ملزمان کو فوری طور پر گرفتار کرکے قانون کے مطابق کارروائی کی جائے۔
پولیس اور متعلقہ اداروں نے واقعے کی تحقیقات شروع کر دی ہیں، تاہم حکام کی جانب سے تاحال ملا کاکوزئی کے دعوے کی سرکاری طور پر تصدیق یا تردید نہیں کی گئی۔
